پیرۆزبایی جێژنی ڕەمەزانی پیرۆز

وقال النبي -صلى الله عليه وسلم- بشأن الهلال: صوموا لرؤيته، وأفطروا لرؤيته، فإن غُمَّ عليكم، فصوموا ثلاثين يوماً. رواه مسلم

مسوڵمانی جیهان بە گشتی و چووارپارچەی کوردستان بەتایبەتی"

ڕۆژوووانان و هاونیشتیمانیانی خۆشەویست"

بنەماڵەی شەهیدان و زیندانیانی سیاسی و شۆڕشگێران کورد:

بە بۆنەی جێژنی مانگی پیرۆزی ڕەمەزانەوە پڕ بەدڵ پیرۆزباییتان لێدەکەین و لە پەروەردگاری جیهان ئەپاڕێینەوە تاعات و چاکەکانی ئەو مانگە و هەموو کات و دەمێکتان لێ قەبوڵ بکات و لە ڕزگاربووانی مانگی ڕەمەزان بە ئەژمار بێن.

باوەڕداران، بە پێی دەقی قورئان و فەرماییشتی سەروەرمان موحەممەد سڵاوی خودای لە سەر بێت" بە بینینی مانگی ڕەمەزان مسوڵمان بەڕۆژوو دەبن و بە بینینی مانگی شەوالیش دەیکەن بە جێژن، پاش سی ڕۆژتاقیکاری لە لایەن خوداوەندی گەورەوە، ڕۆژوووانان زۆر سەربەرزانە ئەو تاقیکاریەیان ئەنجامداو دڵی هەژارانیشیان شاد کرد کە یەکێک لە فەلسەفەکانی ڕووژوو هاوکاریکردنی هەژاران بوو، هیوادارین پاش جێژنیش هەر بە شێوەی ڕۆژانی ڕەمەزان هاوکاری هەژاران بکەن و دڵی مناڵانی  برسی شاد بکەن، هەروەها هەر بە بۆنەی ئەم جێژنەوە لە ئێوە بەڕێزان داواکارین بە سەردانی کردنی بنەماڵەی شەهیدان و زیندانیانی سیاسی جارێکیتریش وێڕای پاراستنی یەکیەتی و یەکبوونتان ئەم ئەرکە ئایینییەش بە سەرکەوتووانە بەرنەسەر...

جێژنتان پڕ لە خێر و خۆشی و ئازادی و ڕزگاری بێت لە دەست داگیرکەران و دیکتاتۆرانی ستەمکار.

یەکیەتی زانایانی ئایینی کوردستانی ئێران

٢١ی خاکەلێوەی ساڵی ١٤٠٣ی هەتاوی

پێشەوا ڕێبەرێکی نەتەوەی و دۆزی ڕەوای کورد. نووسینی دکتۆر مەلا عبداللە مەلا ئەحمەد، ئەحمەد ئاوا

 لە نووسینی بەڕێز نووسەر و دکتۆری بوواری ئایینی جەنابی مامۆستا مەلا عەبدوڵڵا مەلا ئەحمەد ئەحمەد ئاوا.....

پێشەوا قازی محەمەد، وەک ڕەهبەرێکی نەتەوەیی سەرتاپای کوردستان، ودۆزی کورد .. ناوێکە بۆ هەمیشە لە یادگەی نەمریدا دەمێنێتەوە، ڕاستە پێش قازی نەمر، شۆڕش وجوڵانەوەی تر هەبوون، وهەموویشیان خاوەنی سەنگی خۆیانن، بەڵام پێشەوا توانی ڕەسمیەت بەم جوڵانەوەیەی خۆی لە ڕۆژهەڵات بدات، ولە ژێر ناوی کۆماردا نومایانی بکات، کۆماری کوردستان، بووە هەوێنی کوردایەتی و ووڵاتپەروەری، ئیتر بۆ هەتایە کورد دەیان وسەدان کۆمار ودەوڵەت دروست بکات، ناتوانێت وەک یەکەم نموونە خۆی دەربخات، بەڵکوو نموونەی یەکەم.. کۆماری کوردستانە، وئەو کۆمارەیش بە سەرۆکایەتی پێشەوا قازی ناوی خۆیی لەو ڕیزبەندە یەکەمەدا نەخشاندووە! ڕەهەندەکانی گەورەیی وباڵاێەتی کۆمار وپێشەواکەی زۆر زۆرن، دەکرێت یەکێ لەوانە ئەوە بێت.. کاتێک زانایەکی ئاینی، ومەلایەکی خۆماڵی کوردستان.. دێت وبە بەرگی پیرۆزی مەلایەتییەوە کۆمارێکی دێمۆکرات وسێکۆلار دادەمەزرێنێت، ئەمە نەک هەر نموونەیە بۆ کورد، بەڵکوو نموونەیشە بۆ کرانەوەی ئاینی لە تەواوی ناوچەکە، وبە تایبەتی جیهانی عەرەبی وئیسلامی .. 

٭ کۆماری کوردستان، وپێشەوا، بوونە نموونەی باڵای کوردپەروەری، جمانی بەشێکی زۆر لە ووڵاتپەروەرانی بەشەکانی تر - بە تایبەتی باشور- شایەتی ئەم ڕاستییەن، ولەولایشەوە دامەزراندنی پارتی ئێستای دێمۆکراتی باشور .. لەوێ، شاهیدێکی تری زیندووە لەسەر ئەم قسەیە، بۆیە دەکرێت ئەم ئەزموونە کوردیەیش ئێستا لە باشور هەیە، وەک بەرهەمی کۆمار تەماشای بکەین، چونکە سەرەتای دامەزرانی لەوێوە بووە، وە جیا لەم کاریگەرییە زۆرەی کۆمار لەسەر باشور هەیبووە، توانیویەتی کاریگەری لەسەر باکوری کوردستان، و ڕۆژئاوایش دروست بکات .. هەرچەندە دەسەڵاتی داگیرکەر لەو دوانەدا زۆر زیاتر باڵادەست ودژوار بووە، بەڵام بە کاریگەریی کۆمار وفکری پێشەوا نەهێڵڕاوە لەوێش پشکۆی بیری نەتەوەیی خامۆش ببێت، وکەم تا رۆر پەرەی پێدراوە.

٭ لە مێژووی کورددا .. شۆڕش وجوڵانەوەی زۆر هەبوون، بەڵام کەمیان سەرکردە و ڕێبەرەکانیان خۆیان کردۆتە قوربانی ئەزموونەکە! یەکێکی تر لە گەورەییەکانی پێشەوا، ئەوەیە گیانی خۆیی کردە قوربانی کۆمار ودۆزە ڕەواکەی کورد .. ئەمە ئەو قسەیەی ئەدیب ونووسەری باڵا: (سەید قوتب)ـم، بیر دەخاتەوە کە دەڵێت؛ هەمیشە ئەو ووشانەی لە زاری ئێمە دێنە دەرێ، بێ ڕۆح وگیانن، تا کاتێ بە خوێنی خۆمان ئاویان دەدەین! پێشەوا قازی محەمەد، بەخوێنی خۆی.. بیری نەتەوەیی وکۆمارەکەی ئاودا، بۆیە ڕۆحی نەمری وهەرمانی بە بەردا کرد، ئەوەتا تا ئێستایش زەقترین خاڵی نەتەوەیی لە مێژووی کورددا (ناڵێم؛ هاوچەرخ، بەڵکوو هەمووی!).. کۆماری کوردستانە، بە ڕەهبەرایەتی پێشەوای هەرگیز نەمر، بۆیە دەبینین ئێستا کە زیاتر لە (٧٥) ساڵە کۆمار بە زێڕینی چووەتە لاپەڕەکانی مێژوو، وپێشەوایش سەربەرزانە ژیانی دنیای بەجێهێشتووە .. بەڵام هەردوکیان هەر زەقترین خاڵی سەرکەوتووی نەتەوەپەروەرین، ودەکرێت بڵێم: ئەمساڵ ولەم مانگەی نەورۆزدا خەڵکی کوردپەروەری ڕۆژهەڵات لە هەموو ئەو حەفتا ساڵە زیاتر بە داگیرکەریان ووت، پێشەوا وکۆمار زیندوون! وهەرگیز گەلی ئەو کۆمارە دەستەمۆ نابێ! وئەمە تەنها ڕۆژهەڵات نییە، بەڵکوو لە سێ پارچەکەی تریش .. کۆمار وپێشەوا مانیفێستی هەموو نەتەوەپەروەرانن.

 دواجاریش پێموایە هەر هێز وجوڵانەوەیەکی کوردی بۆ ئەبەد ..کۆماری کوردستان وئاڵاکەی نەکاتە مانیفێستی خۆی، وتەنانەت دەستەواژەکانی کۆماریش، وەک؛ پێشمەرگە .. بۆ چەکدارەکانی دانەنێت! هەرگیز ناتوانێ بڵێت هێزێکی کوردیم، ولە ناو ڕۆحی خەڵکی کوردستانیشدا جێگەی نابێتەوە! وئەگەر تۆزێکیش خۆی بسەلمێنێ دڵنیابن کاتی ئەبێ، ولە مەودایەکدا هەر ئەپوکێتەوە .. 

دروود بۆ ڕۆحی پێشەوا، نەمری بۆ خۆی وکۆمارەکەی ..

مەلا عبداللە مەلا ئەحمد، ئەحمەد ئاوا

١٠ی خاکەلێوەی ساڵی ١٠٤٣ی هەتاوی

لەسەر ئیزن و خوواستی بەڕێزیان لە وێبلاگی یەکیەتی زانایانی ئایینی کوردستان ئێران دانراوە..

پەیامی یزاکا لە ساڵوەگەڕی شەهیدکرانی پێشەوای کوردان

هاونیشتیمانیان و ئەویندارانی ڕێبازی پڕشکۆی حیزبەکەی پێشەواقازی"

ڕێبەرایەتی و کادر و پێشمەرگە گیان لە سەردەستەکەی دێموکرات"

بە بۆنەی ساڵوەگەڕی شەهید کرانی ڕێبەری نەتەوەییمان پێشەوای هەمیشە زیندوو بە دەست فاشیزمی بنەماڵەی دیکتاتۆری پەهلەوی لە چووارچرای شاری شەهیدان شاری مهاباد پایتەختی کۆماری کوردان،  لە ١٠ی خاکەڵێوە یەکیەتی زانایانی ئایینی کوردستانی ئێران، وەفادار بە ڕێبازی پێشەوامان بەڵێن وپەیمان نوێ دەکەینەوە تا وەدیهاتنی سەرجەم ئامانجەکانی ئەم کۆمارە شەهیدکراوە درێژەدەر و پاڵپشتی دڵسۆزانەی حیزبەکەی پێشەوا قازی بین.

کۆماری کوردستان، موڵکی تایبەتی حیزبێکی دیاریکراو نەبوو بەڵام حیزبی دێموکرات دامەزرێنەری کۆماری کوردستان بوو لە سەر دەستی گەورە پیاوی گەلەکەمان واتە ڕێبەری نەتەوەییمان پێشەوا قازی، هەربۆیە ئەرکە لەساڵوەگەری لە سێدارەدانی ئەو ڕێبەرە مەزنەی نەتەوەییمان هاوخەمی لە گەڵ حیزبی پیشەوا و دامەزرێنەری کۆماری کوردستان بکەین و بەڵێنیان پێ بدەین ئێمەش ڕێبوارانی ئەم ڕێبازەین و پاڵپشتی هەمیشەیی ئێوەین.

پێشەوا قازی موحەممەد بە شەهیدکرانی چرای خەبات و شۆڕشی بەدژی داگیرکەر و خۆسەپێنەرانی کوردستانی بۆ هەموو لاوانی نیشتیمان هەڵگیرساند و ئێستاکەش بۆ گشت جیهان ئاشکرابووە کە سێدارە نەیتووانی دەنگی ئازادیخووازی کورد کپ بکات و بینیمان لە نەورۆزی کوردان لە ساڵی ١٤٠٣ی هەتاوی ڕێبوارانی ئەم ڕێبازە پڕشکۆیە چۆن یەکیەتی و مافویستی خۆیان دەست لەناودەست بە گوێچکەی کەڕی دوژمنان و داگیرکەرانی کوردستان سریواند.

خوێنی بەناحەق ڕژاوی شەهیدی پێشەواو و هاوڕێیانی و هەموو شەهیدانی کوردستان ئەمڕۆکە بۆتە زەریایەک کە داگیرکەرانی تووشی هەراسان و ترس و دڵەڕاوکێ کردووە بۆیە ئەرکە ئەم یەکیەتییە بپارێزین و کێشە و ململانێ حیزبی و ڕێکخراوەیەکانمان کۆتایی پێ بێنین و هەموومان ببین بە یەک سەنگەر و یەک باوەڕ بۆ ڕزگاری کورد و کوردستان..

جارێکیتر سڵاو دەنێرین بۆ ڕوحی هەمیشە زیندووی پێشەوای کورد قازی موحەممەد و هاوڕێیانی و سەرجەم شەهیدانی کورد وکوردستان.

بڕووخێت کۆشکی زۆرداری و داگیرکاری خاکی کوردان.

سەرکەوێت ڕیبازی پڕشکۆی کۆماری کوردستان.

یەکیەتی زانایانی ئایینی کوردستانی ئێران

٩ی خاکەلێوەی ساڵی 

١٤٠٣ی هەتاوی

پیرۆزبایی ساڵی نوێ

پیرۆزبایی یەکیەتی زانایانی ئایینی کوردستانی ئێرانی بە بۆنەی ساڵی نوێ و جەژنی نەورۆزی کوردەواری:

(ئـــەم ڕۆژی ساڵــی تازەیـــە نەورۆزە هــاتەوە، جەژنێــکی کـۆنی کوردە بــە خۆشی و بـەهاتەوە)

هاونیشتیمانیان هێژا، شۆڕشگێرانی شەڤام، شۆڕشگێرانی سەنگەری چیا، بنەماڵەی سەربەرزی شەهیدان، بنەماڵە و زیندانیانی خۆڕاگری سیاسی...

بە بۆنەی ساڵی تازە و نەورۆزی کوردەواری وەک یەکیەتی زانایانی ئایینی کوردستانی ئێران پڕ بەدڵ پیرۆزباییتان لە دەکەین و ئاواتەخووازی بەدیهاتنی ئاوات و ئامانجەکانی نەتەوەییمانین.

بەڕێزان جەژن و خۆشی و شایی لە دژایەتی ئایینی پیرۆزی ئیسلامدا نییە بەو مەرجەی دوور بێت لە بابەتی ناشەرعی و ناڕەوا و کردەوەی بێ ڕەوشتیانە، و هیچ بەڵگەیەکی شەرعی کە ڕاستەوخۆی دژایەتی نەورۆز بکات لە بەردەست دانییە، هەربۆیە دەڵەین یەک بن یەک گرن، دەست لە ناودەست جەژنتان پیرۆز.

 بێ گوومان هەموو لایەک ئاگاداری وەزعی ئابووری و کڵتووری و سیاسی و مەدەنی ناوخۆی ئێرانین، کە چۆن لە ژێر دەسەڵاتی ڕەشپەرەستانەی کۆماری بە ناو ئیسلامی ئێراندا، ڕۆژانە سێدارە و تیڕۆر و هەژاری و زیندانی نەفەسی لە تاکەکانی کۆمەڵگای ئێران، بە گشتی و کوردستانی بە تایبەتی بڕیوە! هەربۆیە بە بۆنەی نەورۆزەوە شۆڕشێکی جەماوەری بە دژی چەوسێنەرانی پەت و سێدارە سەری هەڵداوە و دوژمنی لەرزۆکی خستۆتە مەتڕسی" یەکیەتی و یەک ڕەنگی خاکیپۆشانی کیژ و کوڕ، سەمای ئازادی و بەرخودان دەنەخشێنن، جامانەی دەستی لاوانمان هاواری بێدادی و دژایەتی داگیرکەران بەرز دەکات، دەست لە ناو دەستی یەکتر، یەکیەتی و تەبایی ڕەنگاڵەی نیشتیمان دەڕوێنێت!

با نەوروزی جامانە و مەشعەل بە دەستان، ببێت بە هێزێکی پۆڵایینی نەتەوەیی و نیشتیمانی و هەمیشە پێکەوە بژین و، بمرین بۆ ژیانێکی سەربەستانە..

جارێکیتر جەژن و نەورۆزتان پیرۆز و بە هیوای بەدیهاتنی ئاشتی، ئازادی، و ڕزگاری

یەکیەتی زانایانی ئایینی کوردستانی ئێران

٢٩ی ڕەشەمەی ساڵی ١٤٠٢ی هەتاوی

گەورەیی ڕەمەزان و ئەرکی ڕۆژووان

کە مانگی ڕەمەزان هات مسوڵمانان لە سەرجەم جیهان خۆیان بۆ ئەنجامدانی ئەم ئەرکە گرنگ و پیرۆزە ئامادە دەکەن و هەر تاک و کۆمەڵ و نەتەوەیەکی مسوڵمان بە شێواز و نەریتی خۆی پێشوازی لە ئەو میوانە خۆشەویستە دەکات:

بە پێی دەقی قورئان ڕۆژوی مانگی ڕەمەزان فەرز و واجیبە لە سەر مسوڵمانی باڵغی بێ کێشە هەروەک پەروەردگار لە قورئانی پیرۆز سووڕەتی بەقەڕەدا دەفەرمووێت( يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ (183) واتە ئەی ئەوکەسانەی باوەڕتان هەیە بە پەروەردگار ئەوە لە سەر ئێوەمان نووسی ڕووژووی مانگی ڕەمەزان هەروەک چۆن لە سەر نەتەوەکانی پێش ئێوەمان نووسیبوو بۆ ئێوەیە تەقوا و خودا پەرەستی...

کەواتە مانگی ڕەمەزانیش یەکێک لە ڕووکنە سەرەکییەکانی ئایینی پیرۆزی ئیسلامە و پێویستە مسوڵمان لەو مانگەدا بە درووستی بەڕۆژوو بێت و خێر و چاکەکاری بۆ خۆی بە دەست بێنێت.

باوەڕداران، خۆشەویستمان موحەممەد سڵاوی خودای لە سەر بێت، دەفەمووێت[ اذاجاء رمضان فتح ابواب الجنة وغلفت ابواب النیران، و صفدت الشیطان] واته گەر ڕەمەزان هات،  دەرگای بەهەشت دەکرێتەوە و دەرگای دۆزەخ دادەخرێن و شەیتان زەنجیر دەکرێت.

ئەوە بە واتای گەورەیی و ڕێزی تایبەتی ئەو مانگە پیرۆزەیە و ڕۆژووان کۆمەڵێک دەسکەوتی باش بەرهەم دێنێت.

ڕەمەزان مانگی ڕەحمەت و خۆشەویستی و بەخشش و ئاشتەوایی و تۆبەکردنە، مانگی سەردانی کردن و بیرهێنانەوەی ژیانی هەژارانە، مانگی دەستگرتن و بەهاناوەچوونی لێقەوماو و نەدارانە، مانگی ئازاد کردن و لێخۆشبوونی ئازاردەرانە...

ڕەمەزان نۆیەم مانگی کۆچییە، بە کۆتایی مانگی شەعبان و بە بینینی مانگی ڕەمەزان دەست پێدەکات و بە بینینی مانگی شەوال کۆتایی پێدێت.

گەورەیی ڕەمەزان ئەوەیە قورئان لەو مانگەدا بۆ پێغەمبەرمان درود و سڵاوی خودای لە سەر بێت نازڵ بووە بە ڕەحمەت، کە بۆتە سەرچاوەی ژیان و گووزەرانی تاکی مسوڵمان.

ئەبو هوڕەیڕە لە پێغەمبەر ڕیوایەت دەکات[ فاذا كان احدكم صائم فلا یرفث ولا یجهل، فان امرو قاتله و شاتمه فلیقل انی صائم انی صائم]

لە ڕەمەزاندا ئەرکی مسوڵمانی ڕۆژووان ئەوەیە خۆی لە کردەوەی نادرووست بپارێزێت و لە شەڕکردن و زمان شڕی و گوێڕایەڵ کردن بۆ قسە و وتەی نابە جێ و بابەتی لەهو لەعب و بێ مانا بپارێزێت ئەگەر کەسێک جوێنی پێدا یانیش ویستی شەڕ بکات لە وەڵامدا بڵێ من بەرۆژووم من بەڕۆژووم، پێویستە و ئەرکی سەر ئەستۆی ڕۆژوووانە ڕەحم و بەزەیی بە نیسبەت خزم و دۆستان و ئاشانایان زیاتر بکات و بە بە جێهێنانی سیلەی ڕەحم لەو مانگەدا نیشان بدات کە بەڕاستی بۆ خودای دلۆڤان بە ڕۆژوو بووە!

مسوڵمانان: ڕۆژووان لە ڕەمەزاندا هەم ئەرکی هەیە هەم مافی هەیە،، ئەرکی سەر شانی ڕۆژووان ئەوەیە خۆی بپارێزێت لە کردەی نەشیاو کە خودای نەخواستە لە پێش ڕەمەزان ئەنجامی دەدان و بە جێ بگەیەنێت ئەو دەستووراتەی لەومانگەدا پێی ئەسپێردراوە، و مافیشی ئەوەیە لەبەرانبەردا خودای گەورە لێی خۆش بێت و بیبەخشێت بێ گوومان ڕۆژووانی ڕاستگۆ و تۆبەکار دەکەوێتە بەر ڕەحمەت و بەخششی خودا..

بەڕێزان: ڕۆژوو خاوەنی فەلسەفەیەکی گرنگە کە دەبێ ڕۆژووان ئەو فەلسەفەیە ئەنجام بدات، یەکێک لە فەلسەفەی ڕۆژوو ئەوەی ئاگادار بوونە لە وەزعی هەژاران و نەداران دەبێ برسیەتی و نەداری هانی بدات بۆ هاوکاری هەژاران و هاوکاریان بکات نەک تەنیا لەو مانگەدا بەڵکو ئەو مانگە بیانوویەک بێت بۆ هەمیشە تاکو دەستی بەخششی هەبێ و لانیکەم بتوانێت دەرکی ئەم حاڵەتە ناخۆشەی هەژاران بکات کە بەردەوام تیا ئەژین...

هەروەها بۆ ئاگاداریتان:

ڕۆژوو فەڕزە لە سەر مرۆڤێکی خاوەن مێشک و باڵغ و ساخ و ڕێگە دراوە کە ئەوانەی لە سەفەرن و نەخۆشن و یان کارێکی شەرعی قورسیان هەیە نەتوانێت بەم هۆیەوە بەڕۆژوو بێت یان ئافرەتێکی دووگیان یان خاوەن مناڵی شیرەخۆرە لەو مانگەدا بەم هۆکارانە دەتووانن بەڕۆژوو نەبن جگە لەو حاڵەتانە هەرکەس ئیفتاری ڕۆژوو بێ بیانوو بکات تاوانبارە و خەجاڵەتباری پەروەردگار دەبێ..

هەروەها هەر کەسێک بە ڕۆژوو نەبێ و بێ ڕێزیش بکات بە مانگی ڕەمەزان و مڕۆڤی ڕۆژووان، مرۆڤێکی بێ نرخ و تاوانبارە پێویستە لانیکەم ڕێزی مانگ و ڕۆژووان بگرێت و لە شوێنی گشتی و یانیش لە بەرچاوی ڕۆژووان ئیفتار نەکات و یان گەڵتە بە ڕۆژوگر نەکات، لەوها حاڵەتێکدا پێویستە ڕێگری لێ بکرێت. والسلام علیکم و رحمةالله و بركاته.

یەکیەتی زانایانی ئایینی کوردستانی ئێران

٢٣ی ڕەشەمەی ١٤٠٢ی هەتاوی

پەیامی پیرۆزبایی بە بۆنەی مانگی پیرۆزی ڕەمەزان

 قال تبارك و تعالی فی سورة البقرة 

شهر رمضان الذی انزل فیه القران هدی للناس و بینات من الهدی والفرقان فمن شهد منكم الشهر فلیصمه..۱۸٤

وقال النبی صلی الله علیه وسلم

من صام رمضان ایمان واحتسابا غفر له ما تقدم من ذنبه.. صحیح بخاری ۳۸

هاونیشتیمانانی مسوڵمان، باوڕدارانی ئایینیی پیرۆزی ئیسلام:

ئەم ساڵیش هاوشێوەی ساڵانی ڕابردوو جارێکیتر بووینەوە میوانی سفرەی پەروەردگار و لەمانگی پڕ لە بەخشش و چاکەکاری ڕەمەزاندا دەکەوینەوە بەر تاقیکاری خوداوەندی دلۆڤان.

مانگی ڕەمەزان مانگی بەدیهاتنی قورئانی پیرۆزە، مانگی هیدایەت و ڕەستگاری و سەرکەوتنە، هەرکەس بەو مانگە بگات و لە سەفەر و نەخۆشیدا نەبێت پێویستە و ئەرکی سەر شانی ئەوە کە بە ڕۆژوو بێت و سەرکەوتن بۆ خۆی بەدەست بێنێت.

خۆشەویستمان موحەممەد درود و سڵاوی خودای لە سەر بێت لەمبارەوە دەفەرموێت( هەرکەس لە مانگی ڕەمەزاندا بە باوەڕەوە بەڕۆژوو بێت، خودای گەورە لە تاوانی پێشووتری خۆش دەبێت. بوخاری ڕیوایەتی کردووە..

هەر بۆیە بەم بۆنەوە یەکەم ڕۆژی مانگی ڕەمەزانی ساڵی ١٤٠٢ی هەتاوی ڕۆژی دووشەمبە ڕێکەوتی ٢١ی ڕەشەمە دەست پێدەکات و، یەکیەتی زانایانی ئایینی کوردستانی ئێران" وێڕای پیرۆزبایی لە  ئێوەی باوەڕدارانی کورد و مسۆڵمان، داواکارین بە سەردانی کردنی بنەماڵەی شەهیدان و زیندانیانی سیاسی و هەژاران و لێقەوماوان و دەردەداران و بە هاوکاریکردنی ماددی و مەعنەوی فەلسەفەی ڕۆژووەکانتان بەدی بێنن و بتووانن هەمبانەیەکی پڕ لە چاکەکاری بۆ خۆتان مسۆگەر بکەن.

لە پەروەردگاری گەورە ئەپاڕێینەوە ڕۆژووەکانتان قەبوڵی بارگای حەق و لە لێخۆشبووانی ڕەمەزان بن.

یەکیەتی زانایانی ئایینی کوردستانی ئێران

٢١/١٢/١٤٠٢ی هەتاوی

ڕاگەیەندراوی یزکا بە بۆنەی بۆنە نەتەوەییەکان هاوشێوەی نەورۆز

بسم الله الرحمن الرحیم
یا ایها الناس انا خلقناکم من ذکر و انثی وجعلناکم شعوبا و قبائل لتعارفوا ان اکرمکم عندالله اتقکم. صدق الله العظیم
مامۆستایانی ئایینی نیشتیمانپەروەر،
کەسایەتی و ڕۆشەنبیران و ڕووناکبیرانی خۆشەویست.

هەر وەک ده زانن کۆماری به ناو ئیسلامی وەک چەپەڵترین دەسەڵاتی سەردەم بەله ژێر پێنانی هەموو بایەخه ئینسانی، دینی و نەتەوەییەکان کەڕامەت و کەسیەتی تاک تاکی جەماوەری دابەزاندوه بۆ ئاستێکی ترسناک و تۆقێنه ر. ئه و رژیمه بۆ مانه وه ی خۆی له ئاستی ده ره وه دا به هاوپه یمانی له گه ل هه موو ده سه لات و سه رۆکه خوێنخۆرەکانی وەک خۆی، تەنگەژه و ئاستەنگی بۆ دنیای ئیسلام و ولاتانی ناوچەکه و خەڵکی ره ش و رووت درووست کردوه. له ئاستی ناوخۆشدا هەمووان ئاگاداری دۆخی ئابووری، کۆمەڵایەتی، کلتووری و توانه وەو یەکسانسازی فەرهەنگی کۆمەڵگای فرەنەتەوەی ئێران به گشتی و کورد به تایبەت هەین و درووشمی هەرکەس له گەڵمان نەبێت دوژمنمانه ی به کردوه کردوه.
مامۆستایانی ئایینی کوردستان له ڕابردوودا پێشەنگی هەموو نارەزایه تی و تەنانەت شۆرشەکانی کورد بوون ئێسته ش به لوتفی خودای مەزن جێگا و پێگەی بەریینیان له ناو جەماوەر دا هەیه مینبەرەکانیان به وتاری دینی و پڕناوه رۆک رازاندوه ته وه.
لەم کاتەدا که حزبی دیموکراتی کوردستانی ئێران ڕاسانی ڕاگەیاندوه و سیاسەتێکی ڕه سەن و گشتگیر و فرەچەشنی گرتوه ته به ر پێویته زانایان و مامۆستایانی ئایینی کوردستان که له ماوه ی ده سەڵاتی نگریسی کۆماری ئیسلامیدا خۆڕاگرانه له هه مبه ر هه موو زه خت و سەختیەکاندا ماونەتەوه و به بیر و باوەڕێکی نه گۆڕ و ڕه سه ن له مه ته رێزی مینبەردا حەقبێژانه و بوێرانه بەرگری له هەژموون و پاوانخوازی رژیمی کۆماری ئیسلامی ده که ن هزری نه ته وه یی تێکه ل به گوتاری پیرۆزی ئایینی بکه ن.
دینی ئیسلام هیچکات دژ به ماف ویستی و حه ق خوازی هیچنه ته وه ێک نه بوه و به پێچەوانه شەوه له هزری ئیسلام هانده ری تاکی کۆمەڵگا بووه بۆ نەهێشتنی زوڵم و نادادپەروەری، به جۆرێک که کەسانی وەک شێخ سەعیدی پیران، شێخ مه حموودی نه مر،پێشه وا قازی محەممەد و مه لا مستەفای بارزانی پێشەنگی ڕێگای مافخوازی گەلی کورد بوون له سەده ی ڕابردوو.
لێره دا پێویسته میکانیزمی خه باتی نوێی حزبی دیموکرات (ڕاسان) سه باره ت به تێکەڵبوونی مامۆستایانی ئایینی کوردستان به خەباتی جه ماوه ری گەلەکەمان بێنینه بەر باس.
_زییندو کردنه وه ی تایبه تمه ندیه کانی وه ک(زمان،فه رهه نگ،که له پوور، داب و نه ریته کان.....)
_دژایه تی له گه ل ئه و ڕه وتانه ی که له ژێر ناوی ئیسلامدا له هه ولی به لارێدا بردنی ئیسلامی ڕاسته قینه ن واته ئیسلامی ئیرهابی و ئه و ره وتانه ی که له ژێر دروشمی مودێرنیته هه ولی دابرانی نه وه ی نوێ له مێژووی خویان ده ده ن و ئه یانه وێت ئامانجه ڕاسته قینه کانی گه لی کورد به ئاقارێکی چه وت و نابه جێ ببه ن.
_ره وایی دان به هێما نه ته وه ییه کان به تایبه ت جێژنی نه ورۆز که هێمای ژیانه وه و زیندوو بوونه وه و سه رهه لدانه. پێویسته مامۆستایانی ئاییینی له وتاره کانی پێش هاتنی نه ورۆز له ڕوانگه ی ئایینه وه ره وایی به شادی گه ل بده ن و خه لکی هان بده ن بۆ پێشوازی به رێوه بردنی ئه و بۆنه نه ته وه ییه که هیچ له دژایەتی ئایینی پیرۆزی ئیسلامدا نییە بەو شەرتەی دوور بێت لە کردەوەی ناشەرعی و ناپەسەندی ئەخلاقی.
لە کۆتاییدا یەکێتی زانایانی ئایینی سپاسی هەموو ئەو مامۆستا ئایینی و نیشتیمانپەروەرانە دەکات کە ڕاستگۆیانە و بوێرانە پشتیوانی ئایین و نەتەوەکەیانن. والسلام علیکم و رحمةالله وبرکاتە
یەکێتی زانایانی ئایینی کوردستانی ئێران
۱۰ی بەفرانباری ۱۳۹٦ی هەتاوی

کۆچی دووایی کەسایەتیەکی خۆشناو وخەباتگێری دەڤەری شنۆ

کل نفس ذائقۃالموت

بەناوی خودای گەورە
کۆچی کەسایەتییەکانی نیشتیمانپەروەر و خۆشناوی نەتەوەکەمان خەسارێکی مەزنە لە مێژووی بەرخودان و خەباتی ڕەوامان.
ئاگادارکراینەوە کە کەسایەتییەکی زۆر خۆشەویست وخەباتکاری دەڤەری شنۆ بە ناوی کاک ئەحمەد ڕەسوڵی(ئەحمەد ئاغای خاڵتاوێ) بە هۆی نەخۆشی لە تەمەنی ۷٦ ساڵیدا لە نەخۆشخانەی ڕزگاری شاری هەولێر ڕێکەوتی ۷؍۸؍۱۳۹٦هەتاوی کۆچی دووایی کرد، خودالێخۆشبوو لە ساڵەکانی ۱۳۷۳ بۆ ماوەی ۳ ساڵ لە لایەن دەسەڵاتدارانی ویلایەتی ناڕەوای فەقیهی ئێران دەستبەسەر دەکرێت و دەکەوێتە بە ئەزیەت وئازارێکی زۆر روحی و جەستەیی بەڵام کاک ئەحمەد لەو ماوەیەدا قارەمانیەتێکی زۆری بۆ خۆی وڕێبازەکەی تۆمار کرد، بە ناچاری ساڵی ۱۳۸۲ ڕۆژهەڵاتی کوردستان بەرەو باشووری کوردستان جێ دێڵێت و تا کۆتایی ژیانی لە شاری هەولێر مایەوە.
یەکێتیەکەمان وێڕای خەم وپەژارەی خۆی، پرسەوسەرەخۆشی خۆمان ئاراستەی سەرجەم ئەندامانی بنەماڵە ڕێزدارەکەیان وسەرجەم خەڵکی شنۆ وئاوای خاڵتاوێ ئەکەین لە خودا ئەپاڕێینەوە جێگای بە هەشتی بەرین بێت.
انا للە وانا الیە راجعون.